Посакај

Посакај

И кога бараш – барај сè.

Кога се молиш од срце

и кога Бог ти помага –

посакај,

да најдеш своја вистина

која од никој не страда,

сама во себе вљубена.

Немо, не мислиш,

тоа што треба не правиш,

каде што сакаш не одиш.

И кога мислиш, мисли сè.

Мисли ко последно да е

и ко да нема враќање.

Побарај,

да најдеш душа искрена,

без мера растреперена,

само за тебе створена.

Немо,

не мислиш,

тоа што треба не правиш,

каде што сакаш не одиш.

И кога сакаш, сакај сè –

без мера,

без одлагање.